【On.cc】非常檢控觀︱蔣家旻同李成昌演父女　網民激讚好戲

無綫劇集《非常檢控觀》昨晚播出一集中，莊家旻與老戲骨李成昌再結劇緣。蔣家旻曾憑《美麗戰場》「反骨琪」一角奪「最佳女配角」，當中她被李成昌「霸王硬上弓」的場口，不少網民都稱印象深刻。

今次兩人在《非常檢控觀》中飾演父女，默契更勝從前。兩人在劇中時而互惠互利、時而互相猜忌的關係，更看得人咬牙切齒，不少網民激讚兩人好戲兼對白精警，蔣家旻很開心網民記得她在《美麗戰場》跟李成昌合作：「今次角色做兩父女，我哋好有默契，唔使熱身，加上劇本好好，我哋都好自然一埋位就進入角色。我記得有一場係我要搞到佢坐監，大義滅親！嗰場戲係兩父女嘅對決，本身我拍嘅時候好緊張。因為得我哋兩個人嘅戲，啲對白都好長，要好專注。」她讚李成昌是一位很友善的前輩，毫不吝嗇「過料」給她：「我好記得當日有啲位NG，佢係好有耐性，會唔介意畀足戲我，由NG嘅位開始，仲要鏡頭唔係Take佢，但係佢都願意出100分力，等我容易代入番角色。」

蔣家旻同李成昌再結片緣。

李成昌出名好戲。

莊家旻同李成昌上演兩父女對決。

網民大讚好戲！