【On.cc】吳若希成就解鎖　與張馳豪做成都新春晚會司儀

歌手吳若希（Jinny）不但唱得，還因為多嘢講及口才了得而不時受邀擔任節目主持，近日她解鎖新成就，與「聲夢歌手」張馳豪為新春晚會做司儀，因為活動於成都舉行，他們要講普通話，認真大挑戰。Jinny在社交網分享從在台下做準備，到正式On Show的花絮照片及片段，原本穿黑色長羽絨的她在主持人休息室外興奮打卡，轉眼就到台上綵排，身旁還有開心晒V的蕭正楠。

鏡頭一轉，Jinny已換上露肩花花長裙正式開始主持工作，她分享心得寫道：「好叻！喺電視上邊做主持做Live都試過好多次，但係做Event嘅司儀都算係第一次，今次最叻嘅係一係唔做，一早就做普通話嘅司儀！最正嘅係……其實成都大部分人都聽得明廣東話。成都，你係正嘅。」張馳豪事後亦於網上分享當晚照片嗌緊張，粉絲看後都大讚二人厲害，看到他們做歌手以外的一面，感覺相當新鮮。

一齊為成都新春晚會做司儀。

吳若希同張馳豪嚟啦！

認真開心！

張馳豪都好緊張。

吳若希成就解鎖。